Buvayda tumani hokimi Behzodjon Ibragimov eskirgan ikki qavatli turar joylar o‘rnida barpo etilayotgan zamonaviy ko‘p qavatli uylar qurilishi jarayoni bilan tanishdi. Tadbir doirasida nuroniylar ishtirokida duo qilinib, poydevorga ramziy beton quyish marosimi bo‘lib o‘tdi. Tashrif davomida hokim quruvchilar bilan suhbatlashib, ishlarni belgilangan loyiha talablari asosida, sifatli va tezkor amalga oshirish bo‘yicha aniq topshiriqlar berdi. Tumanda uy-joy fondini yangilash va aholining yashash sharoitlarini yaxshilash maqsadida amalga oshirilayotgan renovatsiya ishlari doirasida, avval 32 ta xonadon joylashgan hududda yangi loyiha asosida 147 ta zamonaviy xonadon barpo etilishi rejalashtirilgan.