Buvayda tumani Ichki ishlar bo‘limi boshlig‘i Ahmedov Sherzodjon nazorati ostida tuman markazidagi asosiy ko‘chalarda yo‘l chiziqlari yangidan chizildi. Shuningdek, qatnovni tartibga solish, avtotransport oqimini xavfsiz boshqarish maqsadida yo‘l o‘rtasini to‘sish ishlari ham amalga oshirilmoqda. Mazkur sa’y-harakatlar yo‘llarda ko‘rinuvchanlikni oshirish, piyodalar va haydovchilarning xavfsiz harakatlanishini ta’minlashga xizmat qiladi. Tuman IIB tomonidan yo‘l harakati xavfsizligini mustahkamlash bo‘yicha profilaktik chora-tadbirlar davom ettiriladi.