Farg‘ona harbiy prokurori, adliya polkovnigi I.I. Salomov tomonidan Buvayda tumanida fuqarolar bilan ochiq muloqot o‘rnatish, murojaatlarni joyida hal etish maqsadida sayyor qabul tashkil etildi. Sayyor qabul davomida harbiy xizmatchilar, ularning oila a’zolari hamda fuqarolarning murojaatlari tinglanib, har bir masala yuzasidan qonunchilik doirasida tushuntirishlar berildi. Ayrim murojaatlar joyida ijobiy hal etilib, qo‘shimcha o‘rganishni talab qiladigan masalalar yuzasidan mas’ullarga aniq topshiriqlar belgilandi. Mazkur sayyor qabul fuqarolarning huquq va manfaatlarini himoya qilish, qonun ustuvorligini ta’minlashga qaratilgan muhim tadbirlardan biri boʻldi.