O‘zbekiston mustaqilligining 34 yilligi arafasida Buvayda tumanida yurt faxriga aylangan yoshlar e’tirof etildi. Tumanning turli maktab va ixtisoslashtirilgan ta’lim muassasalarini tamomlab, oliy ta’lim muassasalariga kirish imtihonlarida 189 ball natija ko‘rsatgan iqtidorli bitiruvchilar tantanali tarzda taqdirlandi. Tuman hokimi Behzodjon Ibragimov va tuman prokurori Ziyovuddin Sulaymonov bu yoshlarga o‘z minnatdorchiligini bildirib, ular bilan samimiy uchrashuv o‘tkazdi. Bitiruvchilarga tashakkurnomalar va esdalik sovg‘alari topshirildi. 🎓 Yutuqlari bilan ajralib turgan yoshlar: 4-maktab – Ma’rufova Dildora Olimjon qizi 14-maktab – Yo‘ldosheva Hayotxon In’omjon qizi 24-maktab – Abduqahhorova Mohinur Axrorjon qizi 32-maktab – Nabiev Sarvarbek Muhiddin o‘g‘li 2-son VIDUMI— Rajabov Azizbek Akmaljon oʻgʻli 2-son VIDUMI – Abdullojonov Nodirbek Otabek o‘g‘li XTIduM – Mamadalieva Mohigul Akramjon qizi Uchrashuv davomida yoshlar o‘z orzulari, rejalari haqida so‘zlab berishdi. Ularning aksariyati yurtga, xalqiga xizmat qilish niyatida ekanini bildirib, ko‘rsatilgan e’tibor uchun minnatdorlik izhor etdi. Tuman hokimi o‘z tabrigida: “Bugungi natijangiz — faqat sizning emas, oilangiz, ustozlaringiz, maktabingiz yutug‘i. Mustaqillik sharoitida imkoniyat bor — siz esa undan munosib foydalanyapsiz,” — deya ta’kidladi. Bayram arafasida bo‘lib o‘tgan ushbu uchrashuv yoshlarga nisbatan e’tibor va ishonchning, rag‘bat va dalda berishning yaqqol namunasiga aylandi.