Joriy yil 22-avgust kuni Ozarbayjon Respublikasi, Boku shahrida ARTNOVA Xalqaro ijodiy tashkiloti tomonidan “Ijod parvozi” I Xalqaro yosh ijodkorlar tanlovi bo‘lib o‘tdi. Tanlovda 100 dan ortiq iste’dodli yoshlar qatnashib, o‘z mahoratini namoyish etdi. Ulardan biri — Farg‘ona viloyati Buvayda tumanidagi 17-bolalar musiqa va san’at maktabi xoreografiya yo‘nalishi 5-sinf o‘quvchisi Qo‘ldasheva Moxitabon faxrli 1-o‘rinni qo‘lga kiritdi. G‘olibni Buvayda tuman hokimi Behzodjon Ibragimov, tuman prokurori Ziyovuddin Sulaymonov, hokim o‘rinbosarlari hamda keng jamoatchilik vakillari tantanali kutib olishdi. Bu yutuq Mustaqillik bayrami arafasida tumanga munosib tuhfa bo‘ldi.