O‘zbekiston Respublikasi Davlat Mustaqilligining 34 yilligi bayrami arafasida Buvayda tumanida muhim ijtimoiy loyiha hayotga tatbiq etildi. Jumladan, Yangiqo‘rg‘on mahalla fuqarolar yig‘inining yangi, zamonaviy binosi foydalanishga topshirildi. Tantanali ochilish marosimida tuman hokimi Behzodjon Ibragimov ishtirok etib, yig‘ilganlarni bayram bilan tabrikladi va yangi binoning aholi farovonligi yo‘lida tutgan o‘rniga alohida to‘xtaldi. Tadbirda tuman prokurori, Ichki ishlar bo‘limi boshlig‘i, nuroniylar hamda keng jamoatchilik vakillari ham qatnashib, ushbu yangi inshoot mahalla tizimini yanada samarali tashkil etishda muhim qadam bo‘lishini ta’kidladilar. Yangi bino barcha zarur sharoitlarga ega bo‘lib, fuqarolar bilan ochiq muloqotlar o‘tkazish, huquqiy maslahatlar berish va mahalliy tashabbuslarni qo‘llab-quvvatlashga xizmat qiladi.